Дәрігер күндіз ұйықтау несімен қауіпті екенін айтты

Сеченовский университетінің медицина бөлімінің меңгерушісі Михаил Полуэктов әдеттегі күндізгі ұйқының қауіпті емес екенін айтты. Алайда мұндай әдет адамның сырқатының белгісі  болуы мүмкін, деп хабарлайды  РИА Новости.

Бұған дейін EurekAlert! сайтында қытайлық ғалымдардың зерттеуі туралы жарияланған болатын. Оның қорытындысына сәйкес, күндіз 9-10 сағаттан артық ұйықтайтын адамдарда инсульт алу қаупі жоғары екені анықталған.

Мамандар күндіз жарты сағаттан аз ұйықтаған жөн екенін айтып отыр.

"Егер күндіз 10-20-30 минут ұйықтаса, жүрек-қантамыр ауруларына шалдығу қаупі төмендейді. Ал бұл мөлшерден көп ұйықтаса, керісінше, арта түседі. Күндіз көп ұйықтауға бейім адамдар қандай да бір дертке шалдыққан болуы мүмкін", - дейді дәрігерлер.

Мамандар күндіз көп ұйықтайтын жандардың инсульт алу қаупі жоғары екенін атап өтті. Демек, тым көп ұйықтау ағзаның қандай да бір жүйесінің дұрыс істемеуінің белгісі. Ол жүйке немесе жүрек-қантамыр жүйесі болуы әбден мүмкін.

Sputnik.