«7-20-25» бойынша «Нұрлы жерден» үйді қалай алуға болады?

Егер нарықтан үй алғанда «7-20-25» қатысушылары пәтерді құрылыс компанияларының сату бөлімдері арқылы таңдаса, мемлекеттік тұрғын үйді алған кезде пәтерлер туралы ақпаратты жергілікті әкімдіктерден нақтылау қажет, деп хабарлады «Баспана» ипотекалық ұйымы.

Бұған дейін «Нұрлы жер» бағдарламасы бойынша тұрғын үйлер әкімдіктерде кезекте тұрғандар мен Тұрғын үй құрылыс жинақ банкінің салымшылары арасында бөлініп келген еді. Енді, тұрғын үйлерді өткізу қағидаларына өзгерістер енгізуге байланысты жыл басынан «Нұрлы жер» бағдарламасы бойынша берілетін тұрғын үйге «7-20-25» бағдарламасына қатысушылар да қол жеткізетін болды. Соңғы 5 жылда азаматтың басында үйдің болмауы және жинақталған депозит сынды ешқандай талаптар жоқ. Қағидаларға сәйкес әкімдіктер пәтерлер туралы хабарландыруды тұрғын үй пайдалануға берілгеннен кейін өздерінің интернет-ресурстарында жариялайтын болады.

2019 жылғы кредиттік тұрғын үй құрылысының жоспары (ҚР ИИДМ деректері бойынша)

Өңірлердің атауы                           Пәтерлердің саны

ҚР бойынша барлығы                       11 797

Ақмола облысы                                240

Ақтөбе облысы                                 778

Алматы облысы                                458

Атырау облысы                                 1 136

ШҚО                                                 607

Жамбыл облысы                                800

БҚО                                                  1 108

Қарағанды облысы                            576

Қостанай облысы                              1 604

Қызылорда облысы                           600

Маңғыстау облысы                            103

Павлодар облысы                              504

СҚО                                                  78

Түркістан облысы                              858

Шымкент қаласы                               904

Алматы қаласы                                  540

Астана қаласы                                   903

«Нұрлы жер» бағдарламасы бойынша пәтердің жалпы аумағы 80 шаршы метрден аспауға тиіс. Осыған байланысты, көбінесе 1-2-3-бөлмелі пәтерлер салынады.

Әкімдіктер арқылы қолжетімді пәтерді «7-20-25» арқылы сатып алар жағдайындағы ай сайынғы төлемдердің болжамды есебі мынадай:

Астана, Алматы, Ақтау, Атырау қалаларындағы пәтерлер Ай сайынғы төлем, теңгемен

(қарыз мерзімі 25 жыл болған кезде)

1-бөлмелі (37 ш.м жоғары)                37 317

2- бөлмелі (50 ш.м жоғары)               50 888

3- бөлмелі (65 ш.м жоғары)               66 154

Басқа өңірлердегі пәтер Ай сайынғы төлем, теңгемен

(қарыз мерзімі 25 жыл болған кезде)

1- бөлмелі (37 ш.м жоғары)               29 400

2- бөлмелі (50 ш.м жоғары)               39 579

3- бөлмелі (65 ш.м жоғары)               51 453