Алматыда жарылыс жасамақ болған азамат 10 жылға сотталды

Бітімбаев есімді азамат деструктивті діни идеологияны ұстанушы және елімізде тыйым салынған ДАИШ халықаралық террористік ұйымының жақтасы ретінде ұлттық қауіпсіздік комитетінің назарына іліккен. Комитеттің таратқан мәліметіне сәйкес, сотталған азамат ғаламторда халық көп шоғырланған орындарда теракт жасамақшы болыпты, деп хабарлайды Almaty.tv  тілшісі.

Қарулы шабуыл жасағаннан кейін ол шетел содырларының қатарына өтіп, террористік әрекетін жалғастыру үшін Сирияға жетуді жоспарлаған. Құзырлылар қылмыскерді осы жылдың сәуірінде қолға түсірген.

Тінту кезінде Бітімбаевтан травматикалық қару, жарылғыш заттарды дайындауға арналған бөлшектер және үш сауда-ойын-сауық орталығының сызбалары мен бетперде алынды. Оның қылмысы толықтай дәлелденген.