Алматы қаласының жастары салауатты өмір салтын насихаттады

Бүгін Түрксіб аудандық «Жас Отан» жастар қанаты төрағасының бастамасымен спорт кешендерінің бірінде жас буынның қатысуымен «Жастар салауатты өмір салты үшін!» атты флешмоб өтті, деп хабарлайды Almaty.tv.

Іс-шарада джиу-джитсу жаттығулары көрсетілді, ол әлсіз денелі адам күштірек қарсыласынан тиісті техниканы пайдаланып, оны жеңіп шығу керек деген қағидаға негізделген.

Флешмобқа 70-тен астам адам қатысты. Балалар үлкен ықыласпен және қызығушылықпен тренингке қатысты, сонымен қатар барлығы әсерлі эмоцияларға ие болды.

Осыдан кейін іс-шараны ұйымдастырушылар салауатты өмір салтына қатысты түсіндірме жұмыстарын жүргізді. Салауатты өмір салты денсаулықтың маңызды факторы болып табылады: ол еңбек белсенділігін арттырады, физикалық және психикалық тұрақтылықты тудырады, өмірлік позицияны, дене қорғанысын белсендіреді, жалпы жағдайды нығайтады, аурулардың жиілігін азайтады және дене тәрбиесі негізгі компоненттердің бірі болып табылады. Сонымен қатар, жаман нәрсеге әуестік пен тәуелділік мәселелері де талқыланды, құрдастарының өмірінен мысалдар келтірілді.

«Бұл акциямен біз жастарымыздың спортқа ден қойғанын қалаймыз, өйткені бұл дененің сау әлеуетін дамытудың тиімді құралы, бұл денсаулықты жақсартуға орасан зор көмек береді»,– деді «Жас Отан» ЖҚ аудандық төрағасы Құмар Тюселбаев.

Естеріңізге сала кетейік, ауданда спорттық шаралар үнемі өткізіліп тұрады.