ІІМ Әкімшілік полиция комитетінің төрағасы Қайсар Сұлтанбаев Қазақстандағы жол қозғалысы ережелерін бұзғаны үшін айыппұлдар неге көп екенін түсіндірді, деп хабарлайды Almaty.tv тілшісі Massaget.kz-ке сілтеме жасап.
Сұлтанбаевтың сөзінше, осылайша жол ережесін бұзатын қазақстандықтардың санын азаюы мүмкін.
"Бұл айыппұлдардың бәрі жол ережесін өрескел бұзған адамдарға қатысты. Ал заң бойынша жүретін адам ешқандай айыппұл төлемейді. Жыл басынан бері 4 ай 20 күннің өзінде жол апаты салдарынан 500 адам қаза тапқан. Асқан жылдамдықпен жүретіндерді басқа қалай тоқтатамыз? Тіпті Астанада сағатына 200 шақырым жылдамдықпен жүретіндер бейнебақылау камерасына түсіп қалған. Бұл бір ғана жағдай емес. Мұндай жүргізушілер тек айыппұл төлеп қана қоймай, жазалануы керек. Сондықтан айыппұлдың көп болуы осындай жағдайларды азайту үшін қабылданған шара", - дейді Қайсар Сұлтанбаев.
Оқи отырыңыз: Жайық өзеніндегі су деңгейі Индер ауданында 10 метрден төмен түсті
