Утильалымға артық төленген ақшаны қалай қайтаруға болады

"Жасыл даму" операторы утильалым үшін артық төленген ақшаны қалай қайтаруға болатынын түсіндірді, деп хабарлайды Almaty.tv тілшісі компанияның баспасөз қызметіне сілтеме жасап.

"Recycle.kz. ресми сайтының техникалық жұмыстары аяқталды. 14 мамырдан бастап ескі ставкалар бойынша өтініш берген жеке және заңды тұлғалар артық төленген соманы қайтара алады", - делінген хабарламада.

Ол үшін "E-otinish" электрондық платформасында ЭЦҚ арқылы өтініш беру қажет.

"Өтініште төлемді қайтару үшін өтінімнің нөмірін, шоттың деректемелерін көрсету керек", - деп қосты компания.