Меншікті өндіріс
Біз әлеуметтік желілердеміз
Ван Гог картинасы аукционда 39,2 млн долларға сатылды
Бұл картинаны ол өз шығармашылығының ең жемісті кезеңдерінің бірінде салған
Голландияның импрессионист суретшісі Винсент Ван Гогтың (1853-1890) «Тренктаедағы көпір» картинасы бейсенбі күні Нью-Йорктің Christie's бәссаудасында 39,2 млн долларға сатылды, деп хабарлайды Almaty.tv тілшісі ҚазАқпаратқа сілтеме жасап.
Ван Гог бұл картинаны 1888 жылы салған. Лоттың құны 34 млн долларды құраған, алайда картинаның жаңа иесіне барлық қосымша төлемдерді есептегенде, ол үшін жалпы 39,29 млн доллар төлеуіне тура келеді. Ван Гог 2100-ден астам туындының авторы, соның ішінде 860-қа жуық картина майлы бояумен салынған. Олардың арасында портреттер, автопортреттер, түрлі пейзаждар мен натюрморттар бар.
Christie's-тің атап өтуінше, Ван Гог бұл картинаны өз шығармашылығының ең жемісті кезеңдерінің бірінде салған.