Қазақстанда неке сақиналарының бағасы өсті

Сарапшылардың баяндамасында неке сақиналары Қазақстанда бір жылда 38% қымбаттағаны көрсетілген. Ал некеге тұру саны 7% қысқарды, деп хабарлайды Almaty.tv.

Сарапшылардың пікірінше, зергерлік бұйымдардың бағасы 2022 жылы айтарлықтай өсті.

"2022 жылдың қараша айының қорытындысы бойынша алтын неке сақиналары 2021 жылдың қарашасымен салыстырғанда бірден 37,6% қымбаттады. Бір жыл бұрын бұл сектордағы баға 5% қымбаттады", - деп жазды Energyprom.kz.

Тұрғындар үшін ең қымбат алтын бұйымдар:

• Солтүстік Қазақстан облысы: мұнда алтын сақиналар бір жылда бірден 71,6% қымбаттады;
• Жетісу және Алматы облыстары: тиісінше 68,3% және 66,6%;
• Астана (51,5%);
• Шығыс Қазақстан облысы (49,9%);
• Алматы (48,5%);
• Ақмола облысы (44,9%).

Бағаның ең аз өсуі Атырау, Батыс Қазақстан және Қызылорда облыстарында байқалды.

Сонымен қатар сарапшылар 2022 жылдың қаңтар-қыркүйек айларында Қазақстанда 98,3 мың неке тіркелгенін, бұл кейінгі жылдардағы ең төмен көрсеткіш екенін хабарлады.

2021 жылдың сәйкес кезеңімен салыстырғанда некеге тұрғандар саны 6,7% аз.

Қалада некеге тұрғандар саны 10,7% азайып, 66,4 мың болса, ауылдық жерлерде керісінше 2,9% өсіп, 31,8 мыңға жеткен.