Меншікті өндіріс
Біз әлеуметтік желілердеміз
Қазақстан полициясы күшейтілген режимге көшеді
7-12 маусым аралығында сайлауға байланысты полиция қызметі түгел күшейтілген режимде жұмыс істейді
Үкіметте ҚР ішкі істер министрі Ерлан Тұрғымбаев сайлау алдында полицейлердің күшейтілген қызмет режиміне көшетінін айтты, деп хабарлайды Zakon.kz.
«Нұр-Сұлтанда ғана емес, бүкіл ел бойынша қауіпсіздік шарасы ретінде 6 маусымға дейін «Құқық тәртібі» операциясы жүргізіледі. Сосын 7 маусымда бүкіл полиция күшейтілген жұмыс тәртібіне көшеді, өйткені елде сайлау өтеді», – деді ол.
Министр бұл шаралар қоғамдық қауіпсіздік үшін қабылданғанын жеткізді.
«Бұл біреуден қорғану үшін емес, қоғамдық қауіпсіздікті қамтамасыз ету үшін қажет. 8-і – тыныштық күні, үгіт-насихат жұмыстарына тыйым салынады, 9-ы сайлау, барлық жерлерде полиция патрульдері жұмыс істейді. 21 мыңнан астам полицей жұмысқа шығады», – деп атап өтті Тұрғымбаев.