Меншікті өндіріс
Біз әлеуметтік желілердеміз
Қазақстанда қолма-қол есеп айырысу бойынша шектеу енгізілуі мүмкін
Қазақстан президенті Нұрсұлтан Назарбаев үкіметтің кеңейтілген отырысында көлеңкелі айналыммен күресті күшейтуді тапсырған болатын
Ұлттық экономика министрі Тимур Сүлейменов тауарлар мен қызметтерді сатып алу кезінде қолма-қол есеп айырысу бойынша лимит белгіленуі мүмкін екенін айтты, деп хабарлайды Sputnik Қазақстан.
Сүлейменовтің айтуынша, министрлік қаржы ведомствосымен бірлесіп экономикадағы қолма-қол ақшасыз ақша айналымын ұлғайтуға бағытталған салық, сауда саясаты, салалық реттеу шаралары жөніндегі мәселені пысықтамақ.
«Тауарларды, жұмыстар мен көрсетілетін қызметтерді сатып алу кезінде қолма-қол есеп айырысу бойынша лимитті белгілеу және жылжымайтын мүлік пен көлікті міндетті түрде қолма-қол ақшасыз сату және басқа да мәселелер қаралатын болады», - деді министр үкімет отырысында.
Ол министрліктің жұмысы 2025 жылға дейінгі Стратегиялық даму жоспарының нысаналы индикаторларын орындауға бағытталғанын атап өтті.