Меншікті өндіріс
Біз әлеуметтік желілердеміз
Атырауға Біріккен Араб Әмірліктерінен 126 турист келді
Олардың бәрі – сол елге демалуға барған қазақстандықтар
Атырауға чартерлік рейспен Біріккен Араб Әмірлігінен 126 турист келді, деп хабарлайды Almaty.tv Қазақпаратқа сілтеме жасап.
«Олардың бәрі – сол елге демалуға барған қазақстандықтар. Олардың арасында Атырау облысынан 106 адам бар. Ал, 26 адам – көршілес Ақтөбе, Батыс Қазақстан Маңғыстау облыстарының тұрғындары.
Оларды әуежайда санитарлық дәрігерлер қарсы алып, барлығының дене қызуын тексерді. Ешқайсысынан жоғары температура байқалмады. Атыраулықтар үйіне жіберілді.
Дәрігерлер оларды өз мекенжайы бойынша 14 күн бақылауға алады.
Көршілес облыстарда тұратындардың мекенжайын, байланыс нөмірлері алдық. Барлық деректі сол облыстардағы әріптестерімізге береміз», - деді Атырау облыстық Тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары Амантай Жұмағалиев.