Қазақстанда бала өлтіргендер және педофилдер өмір бойына бас бостандығынан айырылады

Мәжілісте әйелдердің құқығы мен балалардың қауіпсіздігін қамтамасыз етуге бағытталған заң жобалары бірінші оқылымда мақұлданды, деп хабарлайды Аlmaty.tv тілшісі ҚР Парламенті Мәжілісінің баспасөз қызметіне сілтеме жаса. 

Мәжілістің баспасөз қызметінің мәлімдеуінше, заң жобаларына зорлық-зомбылыққа, басқа да қатыгездікке немесе адамның ар-намысын қорлауға жол бермеу үшін бірқатар норма енгізіледі. Денсаулыққа жеңіл зиян келтіргені үшін 200 АЕК дейін айыппұл түріндегі жаза не 200 сағатқа дейін қоғамдық жұмыстарға тарту немесе 50 тәулікке дейін қамауға алу; ұрып-соққаны үшін 80 АЕК-ке дейін айыппұл не 80 сағатқа дейін қоғамдық жұмыстарға тарту немесе 25 тәулікке дейін қамауға алу; кәмелетке толмаған не дәрменсіз күйдегі адамды азаптау, денсаулығына ауыр және орташа зиян келтіргені үшін жазаның "бас бостандығын шектеу" балама түрі алынып тасталып, тек бас бостандығынан айыру; жас баланы өлтіргені немесе педофилия үшін "өмір бойы бас бостандығынан айыру" жазасы қолданылады. 

- Кәмелетке толмағандарға қатысты немесе отбасында әкімшілік, қылмыстық құқық бұзушылық жасаған адамдардың мінез-құлқына ерекше талаптар қолданылады. Атап айтқанда, сот шешімі бойынша олардан медициналық ұйымдардан психологиялық көмек талап етілуі мүмкін. Сондай-ақ зорлық-зомбылық деректерін уақытылы анықтау үшін уәкілетті органдардың бұқаралық ақпарат құралдарындағы хабарламаларға ден қою мүмкіндігі қарастырылған, - делінген Мәжіліс хабарламасында.

Оқи отырыңыз: Алматы мәслихаты қала әкімдігінде екі жаңа басқарма құруды бекітті