Түркістан облысында үшем дүниеге келді

Түркістан облысында үшем дүниеге келді, деп хабарлайды Almaty.tv тілшісі. 

Түркістан облысының №1 перинаталдық орталығында 33 жастағы Набат Садыкбекова есімді келіншек үш ұлды дүниеге әкелді. Сәбилерге Омар, Осман, Мухамед-Али есімдері берілді. Жаңа туған нәрестелердің салмағы 1850 гр, 1490 гр, 1550 гр болған. 

ҚазАқпарат мәліметінше, Жас ананың толғағы ерте басталғандықтан білікті дәрігерлердің қатысуымен жедел ота жасалды. Қазір ана мен балалардың жағдай жақсы. Үшемдер де периниталдық орталық дәрігерлерінің бақылауына алынған. Дәрігерлер жақын арада ана мен балалардың перзентханадан шығып, отбасына оралатынын айтуда.