Қазақстан Қарулы Күштерінде тексеру басталды

Қазақстан Қарулы Күштерінде тексеру басталды. Бақылау қысқы оқу кезеңі аяқталғанша жүргізіледі, деп хабарлайды Almaty.tv тілшісі.

Бас штабтың жоспарына сәйкес полигондарда тактикалық, оның ішінде түнгі жағдайда да оқу-жаттығулары мен атыстар өтетін болады. Айта кетейік, соңғы күндері әлеуметтік желіде әскери техникаларға қатысты бейнежазба тарап еді.  Қорғаныс министрлігі жалған ақпаратқа дүрлікпей, ресми дерекөзге ғана сенуге шақырады.

«Жеке құрам шапшаң әрі жедел қозғалып жатыр.  Кез-келген  жағдайға дайын екенін байқауға юолады. Қазір біз барлық қару-жарақ, керек заттарымызды алып, сап түзеуге дайынбыз», – деді қатардағы жауынгер Абылай Еркінбеков.