|
20.01.2022 | 12:36
848

Instagram ақылы жазылуды енгізеді

Жаңа функция АҚШ аумағында сынақтан өтеді

Instagram ақылы жазылуды енгізеді  Фото: ашық дереккөзден

Америкалық танымал Instagram әлеуметтік желісі ақылы жазылуды енгізіп, блогерлерге өз контенті арқылы қосымша табыс табуға мүмкіндік береді, деп хабарлайды Almaty.tv тілшісі Sputnik Қазақстанға сілтеме жасап.

Бұл туралы әлеуметтік желі басшысы Адам Моссери өз парақшасында хабарлады.

"Біз Instagram шығармашылық адамдар шоғырланған үздік орынға айналуын және мұндай тұлғалар сүйікті ісімен айналысып, табыс табуын қалаймыз. Жазылым авторларға ақша табуға және өзінің белсенді оқырмандарымен тығыз байланыс орнатып, оларға эксклюзивті контент ұсына алады. Алдағы бірнеше ай бойы бұл тестке мейлінше көп авторды тартуға тырысамыз. Одан кейін бұдан да үлкен жаңалықтар болады",  – деп жазды Моссери.

Блогерлер жаңа ақылы функцияның көмегімен өз аудиториясын жіктейді. Өзіне ақылы түрде жазылған оқырмандарға ғана арнап тікеле эфирге қосылып, жазба мен қысқа бейнероликтер жариялай алады.

Бұдан бөлек, әлеуметтік желі контент жасаушылар үшін ақылы оқырмандарды арнайы белгімен ерекшелейді. Жаңа функция АҚШ аумағында сынақтан өтеді.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир