New York Times Алматыны ең үздік туристік бағыттар тізіміне енгізді

The New York Times биыл, 2024 жылда көруге болатын әлемдегі 52 орынның дәстүрлі тізімін жариялады, деп хабарлайды Almaty.tv тілшісі Туризм және спорт министрлігіне сілтеме жасап.

Танымал басылымның нұсқасы бойынша Алматы тізімде 25-орында тұр.

«Екі миллион халқы бар Алматы  Қазақстанның ең ірі қаласы бола тұра, бейбіт, бірақ белсенді шаһар әсерін қалдырады. Алматының мәдени орталық ретіндегі мәртебесі оның гастрономиялық өмірінде айқын көрінеді. Ұн, су және етке негізделген «нео-номадтар» асханасы гипер-заманауи стильде ұсынылған. Көк базардағы жемістер мен жаңғақтарды тамашалаңыз, содан кейін жақында кеңестік дәуірдің ғимаратында ашылған үлкен азық-түлік базарында барыңыз», - деп жазды редакция.

Мақала Әулие Вознесенск соборының фотосуретімен бірге жүреді.

«Қазақстан соңғы жылдары әлемдік БАҚ рейтингіне жиі ілігіп келеді және New York Times тізіміне ену туристердің біздің елімізге деген қызығушылығының артып келе жатқанын анық білдіреді», -деді  ҚР Туризм және спорт вице-министрі Ержан Еркінбаев.

Алматы – бұл рейтингіге енген аймақтағы жалғыз қала. Бұған дейін 2017 жылы Қазақстан ЭКСПО-2017 көрмесі қарсаңында осы тізімге енгізілген болатын.