Алматыда тұрғылықты үйі жоқ азаматтар Көксай кентіндегі ғимаратты паналай алады

Карантин кезінде баспанасы жоқтар арнайы орындарды паналай алады, деп хабарлайды Almaty.tv.

Қалалық Әлеуметтік әл-ауқат басқармасының мәліметінше, тұрғылықты үйі жоқ азаматтар Көксай кентіндегі ғимаратта тұрса болады. Осы күні әлеуметтік бейімдеу орталығында тұрақты тұрағы жоқ 152 тұрғын бар. Орталықтың жұмысы штаттық режимде жалғасуда. Аталған мекеме әлеуметтік-тұрмыстық, әлеуметтік-психологиялық және әлеуметтік-медициналық қызметтерді толық көлемде әрі үздіксіз көрсетіп келеді. Енгізілген карантинге байланысты қызмет алушылардың орталық аумағынан шығуына шектеу қойылды.