Мереке күндері қарсаңында азық-түлік бағасы қолжетімді болмақ

Жыл соңына дейін өнімді төмендетілген бағамен сататын павильондар саны 22-ге дейін артады

Алдағы мереке күндері қарсаңында алматылықтар арзан ет пен көкөністерді сатып ала алады. Төмен бағадағы азық-түлік өнімдері «демалыс күндік» жәрмеңкелер мен қаладағы ӘКК-ның 8 азық-түлік павильонында сатылады, деп хабарлайды Аlmaty.tv тілшісі қала әкімдігінің сайтына сілтеме жасап.

Тіркелген құн бойынша әлеуметтік маңызы бар азық-түлік тауарларының 6 түрі ұсынылған: тауық еті, сиыр еті, картоп, пияз, сәбіз және қырыққабат. Аталған өнім орташа нарықтық бағадан 15-40%-ға арзан. Сонымен қатар, жылыжайда өсірілген қызанақ пен қияр сатылымға түседі. Халықты арзан өніммен неғұрлым кеңінен қамту мақсатында сату орындарының саны да ұлғаяды. Жыл соңына дейін өнімді төмендетілген бағамен сататын павильондар саны 22-ге дейін артады. Ол үшін қосымша ауыл шаруашылығы тауарларын өндірушілер мен өңірлердің құс фабрикалары, сондай-ақ қаланың жылыжай кешені тартылды.

«Біз бағасы төмен қолжетімді азық-түлік тауарларын сату нүктелерін кеңейтеміз. Сонымен қатар, мереке қарсаңында сұраныстың жоғарылауына қарамастан, қала тұрғындарының қажеттілігін қамтамасыз ету үшін өнім көлемі жеткілікті көлемде бар», - делінген хабарламада.

Сонымен қатар, Алматы әкімдігі қаланың ірі сауда желілері мен базарларында бағаны тежеу бойынша белсенді жұмыс жүргізуде. Басты міндет – алыпсатарлық пен азық-түлікке бағаның негізсіз өсуіне жол бермеу.

«Демалыс күндік» жәрмеңкелердің мекенжайы:

1. Алмалы ауданы, Гоголь - Масанчи к-сі қиылысы;

2. Бостандық ауданы, «Қазақфильм», Жароков көшесі - әл-Фараби даңғылынан жоғары;

3. Әуезов ауданы, Абай - Өтеген батыр к-сі қиылысы;

4. Жетісу ауданы, «Құлагер», Сериков пен Қазыбаев көшесі.

Жұмыс уақыты: 8.00-19.00-ге дейін.

Азық-түлік павильондарының мекенжайы:

1. Төле би - Саин көшесі;

2. Шаляпин - Алтынсарин көшесі;

3. Абай - Алтынсарин даңғылы;

4. Мыңбаев көшесі - 6 желі;

5. Абай - Момышұлы даңғылы;