Көгілдірлер мен лесбияндар Нұр-Сұлтан мен Алматыда митингке шықпақ

Бір белсенді Нұр-Сұлтан мен Алматыда тұңғыш рет ЛГБТ (Lesbian, Gay, Bisexual, Transgender) митингін өткізуге өтініш берді. Бұл туралы kok.team сайтында айтылады, деп хабарлайды Zakon.kz.

22 тамызда астаналық белсенді Айдар Елкеев “Қазақстандағы ЛГБТ-қауымдастығының құқығын, заңды мүдделерін қорғау” мақсатында митинг өткізуге екі өтініш берді. Бірі Алтай Көлгіновтің атына жазылып, Нұр-Сұлтан әкімдігіне жолданды, екіншісі Алматы әкімі Бақытжан Сағынтаевтың атына жіберген.

Митинг өткізу туралы өтініш екі күнге берілген – 30 тамызға және 8 қыркүйекке.

Әкімдіктер рұқсат берген жағдайда, Нұр-Сұлтандағы митинг сағат 10.00-де А.Пушкин мен Ш.Құдайбердіұлы көшелерінің қиылысындағы бақта өтеді. Оған 1000 адам қатысады деп күтілуде.

Алматының митингі де сағат 10.00-де “Сары Арқа” кинотеатрының артындағы бақта өтпек. Оған да 1000 адам қатысады деп жоспарлануда.