Алматыда бірқатар ықшамауданда ауыз су беру уақытшы тоқтатылады

Оңтүстік астананың М.Әуезов ауданына қарасты бірқатар тұрғын үй мен өзге де ғимараттар суық судан ажыратылады. Бұл туралы «Алматы су» мемлекеттік коммуналдық кәсіпорны мәлім етті, деп хабарлайды Almaty.tv тілшісі ҚазАқпаратқа сілтеме жасап.

Мемлекеттік коммуналдық кәсіпорынның мәліметінше, 31тамыз күні таңғы сағат 9:00-ден кешкі сағат 18:00-ге дейін М.Әуезов ауданының «Алмас», «Астана», «Атамекен», «Мамыр-1», «Мамыр-2», «Мамыр-4», «Мамыр-5» «Мамыр- 6», «Мамыр-7», ықшамаудандарында орналасқан тұрғын үйлер мен өзге де ғимараттар суық судан ажыратылады.

«Сонымен қатар, Достық- Шаляпин -Яссауи -Б. Момышұлы- Абай көшелерінің аймағында орналасқан ғимараттарда су болмайды. Енгізілген шектеулер сумен жабдықтау объектісіндегі технологиялық жабдықты ауыстыру үшін қажет», – деп хабарлады «Алматы су» МКК.

Жөндеу жұмыстары кезінде жоғарыда аталған аумақтарда орналасқан денсаулық сақтау және білім беру нысандары ауыз сумен қамтамасыз етіледі.

«Алматы су» коммуналдық кәсіпорны уақытша қолайсыздыққа түсіністікпен қарауды сұрайды.