|
Qoǵam
13.07.2020 | 13:17

Қазақстан Президенті пандемия құрбандарын үнсіз еске алу рәсіміне қатысты

Мемлекет басшысының Өкімімен 13 шілде жалпыұлттық аза тұту күні болып белгіленген болатын

Қазақстан Президенті пандемия құрбандарын үнсіз еске алу рәсіміне қатысты Акорда

Мемлекет басшысының Өкімімен 13 шілде жалпыұлттық аза тұту күні болып белгіленген болатын. Осыған орай түнгі сағат 00:00-ден бастап еліміздегі барлық Мемлекеттік Ту төмен түсірілді, деп хабарлайды Almaty.tv тілшісі Ақордаға сілтеме жасап.

Ал бүгін Нұр-Сұлтан қаласының уақытымен сағат 12:00-де республика бойынша коронавирус пандемиясының құрбандарын бір минут үнсіздікпен еске алу жарияланды.

«Жалпыұлттық аза тұту күніне орай Қасым-Жомарт Тоқаев Ақорда резиденциясының алдында індеттен қаза болған азаматтарды құрметпен еске алды. Сонымен қатар рәсімге Мемлекеттік хатшы Қырымбек Көшербаев, Президент Әкімшілігінің Басшысы Ерлан Қошанов, Қауіпсіздік Кеңесінің хатшысы Әсет Исекешев, Президент Кеңсесінің бастығы Нұрлан Онжанов, Денсаулық сақтау министрі Алексей Цой қатысты», – делінген хабарламада.

Індет құрбандарын үнсіз еске алу рәсімі республиканың барлық аймағында өтті.

‡агрузка...