Тоқаев: Волонтерлік – нағыз патриотизмнің көрінісі

Еріктілер қарапайым адамдардың мүдделері үшін қайырымдылықтың, шынайылықтың, имандылықтың символына айналды. ҚР Президенті Қасым-Жомарт Тоқаев Twitter-дегі парақшасында осылай жазды, деп хабарлайды Almaty.tv.

«Бүгін бүкіл әлемде Халықаралық волонтерлар күні атап өтілуде. Олар, шын мәнінде, қарапайым адамдардың мүдделері үшін қайырымдылықтың, шынайылықтың, имандылықтың символына айналды. Волонтерлік – нағыз патриотизмнің көрінісі. Осы жылды Волонтерлар жылы деп жарияладым», – деді Мемлекет басшысы. Сондай-ақ, Қ.Тоқаев еліміз еріктілерін мақтан тұтатынын жеткізді.

«Еріктілерімізді мақтан тұтамын және олардың орасан зор әрі пайдалы жұмыстарына, әсіресе, пандемия кезіндегі еңбектері үшін ризашылығымды білдіремін. Волонтерлік уақытша науқан емес, ол он мыңдаған азаматтарымыздың жан тебіренісі. Біз әрқашанда біргеміз!» – деп атап өтті ҚР Президенті.

Еріктілерімізді мақтан тұтамын және олардың орасан зор әрі пайдалы жұмыстарына, әсіресе, пандемия кезіндегі еңбектері үшін ризашылығымды білдіремін. Волонтерлік уақытша науқан емес, ол он мыңдаған азаматтарымыздың жан тебіренісі. Біз әрқашанда біргеміз!

— Qasym-Jomart Toqayev (@TokayevKZ) December 5, 2020