Жамбыл облысында аудандық аурухананың бас дәрігері парамен ұсталды

фото из открытых источников

Тергеу барысында күдікті қамауда болады

Ұлттық бюроның Жамбыл облыстық департаменті облыс қарамағындағы аудандық аурухананың бас дәрігерінің пара алғанын анықтады, деп хабарлайды Сыбайлас жемқорлыққа қарсы іс-қимыл агенттігінің баспасөз қызметі.

«Аудандық аурухананың бас дәрігері жекеменшік компанияның өкілінен 800 мың теңге көлемінде пара алды деген күдікке ілінді.

Осыншалық қомақты қаржыны балалар тағамын мемлекеттік сатып алу туралы шарт бойынша орындалған жұмыстар актілеріне қол қою үшін бизнесмен беруі мүмкін», – делінген хабарламада.

Тергеу жалғасуда. Күдіктінің ісіне қатысты шешімді сот шығарады.