Ашық аспан астындағы кинотеатр қаланың әр ауданданында ұйымдастырылып жатыр. Осындай кезекті шара Медеу және Әуезов ауданында өтті. Оқушылар сарайы алдында үлкен теледидар қойылып, көрермендер «Сәлем, Нью-Йорк» фильмін тамашалады. Ал Сайран көлі маңында кешкі салқынмен осы фильмді тамашалауға келгендер де аз болмады. Айта кетейік, аудан әкімдіктері мен КюЛаб ұйымының ортақ жобасы ертең «Алматы кинофестивалімен» жалғасын табады. Байқау барысында үздік туындылар анықталатын болады. Аталмыш шараға кіру тегін.
«Бірінші рет келіп тұрмын. Ойламаған жерден болды. Ашық аспан астында кино көруден керемет әсер алып тұрмын. Қандай жақсы демалыс?!», – деді көрермен Бағила ЖОЛМЫРЗАЕВА.
