Меншікті өндіріс
Біз әлеуметтік желілердеміз
Жайық өзенінің жағасынан 12 адамның бас сүйегі табылды
Мамандар тергеуге дейінгі амалды бастады
Атырау облысында Жайық өзенінің жағасына бөгет тұрғызу кезінде 12 адамның бас сүйегі табылды. Дене сүйегінің 26 фрагменті жер бетіне шыққан, деп хабарлайды Almaty.tv.
Өңірдегі музей-қорықтың басшылығы «ескі Сарайшық үшін адам мүрдесінің табылуы – таңғаларлық жағдай емес» дейді. Өйткені ортағасырлық қалада үлкен қорымның болғаны баршаға мәлім. Ал күні кеше табылған сүйектерді мамандар есепке алу кітабына тіркеп, тергеуге дейінгі амалды бастап кетті.
– Ескі Сарайшық ауылы ішінде түнгі жұмыстар барысында да адам сүйектері жиі кездеседі. Ал бүгінгідей елде су тасқынынан қорғау мақсатында Жайық жағалауындағы дамбы соғу барысында адам сүйектерінің шығуы – Сарайшық үшін жаңалық емес. Мамандар өз жұмысын атқарып жатыр. Дәстүрге сәйкес олар қайта жерленеді, – деді «Сарайшық» музей-қорығының директоры Әбілсейіт Мұхтар.
Оқи отырыңыз: Олжас Бектенов: СҚО-да су тасқынына қарсы іс-шараларға 3 мыңнан астам адам жұмылдырылды