Меншікті өндіріс
Біз әлеуметтік желілердеміз
Алматы облысындағы құйынның видеосы елді шошытты
2020 жылы 3 шілдеде сағат 17:00-де Ойқарағай сілемінде дауыл болды
Әлеуметтік желілерде ағаштарды құлатқан құйынның видеосы тарап жатыр. Кадрлар жұрттың үрейін қашырды, деп хабарлайды Almaty.tv тілшісі Tengrinews.kz-ге сілтеме жасап.
Белгісіз адамдардың мәлімдеуінше, құйын Алматы облысы Райымбек ауданында болған.
«Жер полюстері ауысып жатыр», «Сұмдық, Құдай сақтасын», «Ақырзаман жақындады», – деп пікір жазған желі қолданушылары.
Алматы облысы Райымбек ауданы әкімдігінің өкілдері биыл мұндай дауыл болмағанын хабарлады.
«Видео соңындағы құлаған ағаштар расымен біздің ауданда, былтыр шілдеде түсірілген. Ал бас жағындағы құйынның видеосы монтаждалған болуы керек. Еске салайық, 2020 жылы 3 шілдеде сағат 17:00-де Ойқарағай сілемінде дауыл болды. Салдарынан 32,7 куб метр Шренк шыршасы зақымдалды. Кейінірек құлаған ағаштарды кесу жұмыстары жүргізілді», – деп мәлімдеді Райымбек ауданы баспасөз қызметіндегілер.