Түрксіб ауданындағы тұрғын үйлер мен бірқатар ғимараттар уақытша ыстық судан ажыратылады

Алматының Түрксіб ауданындағы тұрғын үйлер мен бірқатар ғимараттар уақытша ыстық судан ажыратылады, деп хабарлайды Almaty.tv.

Бұл осы маңдағы бес су жылыту қазандығындағы жөндеу жұмыстарына байланысты болып отыр. Сондай-ақ, алдағы жылыту маусымына дайындық деді Алматы жылу жүйесінің баспасөз қызметі. Осылайша, жаздағы әрекет күз-қыс кезеңінде тұтынушыларды жылу мен ыстық сусыз қалдырмау үшін қолға алынды.  

ГРАФИКА

Төмендегі көшелердің шеңберінде орналасқан тұрғын үйлерге және өзге де ғимараттарға ыстық су беру тоқтатылады:

– Лисаковская - Айша Бибі, Волочаевская - Береке, Кожедуба - Янка Купалы көшелері, Сүйінбай даңғылы - Казакпаев, Терешкова - Эйхе, Жайсан - Космическая, Кассина - Ақан Сері, Хетагурова - Котельников көшелеріне 8 маусымнан 12 маусымға дейін;

– Майлин көшесі - Сүйінбай даңғылы - Дөнентаев - Монтажная - Физули көшелеріне, сондай-ақ «1-Алтай», «2-Алтай», «2-Жұлдыз»  ықшам ауданына 8 маусымнан 7 шілдеге дейін.