Алматыда Крещение мейрамында суға түсуге рұқсат етілген орындар анықталды

19 қаңтарда православ христиандары «Крещение Господне» мерекесін атап өтеді. Алматыда шомылуға арналған 10 орын анықталды, онда шомылатын жерлер жабдықталады, деп хабарлайды Аlmaty.tv. 

Алматы қаласы ТЖД өкілдері және басқа да жауапты қызмет өкілдері ӨКҚ брифингіне қатысып, ойықта шомылу кезіндегі қауіпсіздік ережелері туралы айтты.

Алматы қаласы ТЖД Азаматтық қорғаныс басқармасының бастығы Әнуар Жүсіпов шомылу орындарында ТЖД, Полиция департаменті, Республикалық жедел-құтқару жасағы, Құтқару қызметі, Апаттар медицинасы орталығы, жедел медициналық көмек орталығының 500-ге жуық қызметкерін тарта отырып, тәулік бойы кезекшілік ұйымдастырылатынын атап өтті.

Брифингке қатысқан Қазақстан православтық шіркеуінің қоғаммен байланыс бөлімінің басшысы, протоиерей Александр Суворов суға түсуге рұқсат етілген орындардың тізімін берді:

1. «Крестовоздвиженский ғибадатханасының шіркеуі» жергілікті діни бірлестігі (Высоковольтная көшесі, 37б);

2. Алматы қ. Астана және Алматы епархиясының «Құтқарушы Христ ғибадатханасының шіркеуі»  жергілікті діни бірлестігі  (Райымбек даңғылы, 493);

3. «Қазақстан Православие Шіркеуінің Астана және Алматы Епархиясы» өңірлік діни бірлестігінің филиалы Әулие Николай соборы (Байтұрсынов көшесі, 56/5);

4. «Богоявленский приход» жергілікті діни ұйымы (Садовников көшесі, 196);

5. Первомайская кентінің  «Астана және Алматы епархиялары Успен ғибадатханасының шіркеуі» жергілікті діни бірлестігі (Центральная көшесі, 86);

6. «Астана және Алматы епархиясының ұлы шейіт Параскева ғибадатханасының шіркеуі» жергілікті православтық діни бірлестігі (Жансүгіров көшесі, 500В);

7. «Астана және Алматы епархиясының  «Ивер-Серафимов әйелдер монастыры» жергілікті діни бірлестігі (Хамиди көшесі,30);

8. Алматы қаласы Астана және Алматы епархиясының  «Благовещенский ғибадатханасының шіркеуі» жергілікті православиелік діни бірлестігі (Алатау ш.а, Ибрагимов көшесі, 

9. Астана және Алматы епархиясының «Казанская Құдай анасының құрметіне арнаған шіркеу» жергілікті православиелік діни бірлестігі (Халиуллин көшесі, 45-А);

10. «Покровско-Всехсвятский приход» жергілікті православиелік діни бірлестігі (Жас пионерлер көшесі, 85-үй).

Қала тұрғындары мен қонақтарына төтенше жағдайларды болдырмау үшін суға түскенде келесі ережелерді еске салған жөн:

- шомылу орындарында өз бетінше және осы мақсатқа арналмаған орындарда суға түсуге болмайды;

- мас күйінде суға түсуге болмайды;

- ашық жерде (мұзда)жабдықталған ойықтың жанында 3 адамнан артық  болмауы керек;

- шомылудан бұрын денені жылыту, жүгіру, қозғалыс жасау арқылы жылыту керек;

- дәрігерлер мен құтқарушылар бар жерде суға түскен абзал;

- шомылғаннан кейін сүлгімен сүртініп, құрғақ киім киіп, жылы шай ішкен жақсы.

- Естеріңізде болсын, суық суда ұзақ уақыт болған кезде адамның сіңірі тартылып, денесін үсік шалуы мүмкін. Сондай-ақ суық суға бірден түскен кезде жүрек қысылып, тыныстану қиындайды, - деді ТЖД Азаматтық қорғаныс басқармасының бастығы А.Жүсіпов.

Сонымен қатар қалған су айдындарына, тоғандар мен таулы өзендерге (Үлкен және Кіші Алматы) шомылуға тыйым салынады.

 - Қазіргі уақытта аталған су айдындарына мұз қатқан. Тау өзендеріне жақындау қиындаған. Айнала тайғақ болып тұр. Суға кірген кезде тайып кетпеу үшін абайлаған жөн. Түрлі дене жарақатын алу қаупі жоғары. Мұз астындағы өзендердің ағысы өте күшті. Ол адамның тепе - теңдігін бұрып, құлатыу  мүмкін,- деп қосты А.Жүсіпов.

Сонымен қатар ТЖД су айдындарындағы қауіпсіздік ережелеріне сәйкес рұқсат етілмейтінін атап өтті:

1) «Шомылуға тыйым салынады» белгілері белгіленген жерлерде шомылуға;

2) мұздың жұқа және жетілмеген жерлеріне шығуға;

3) мұздың жекелеген учаскелерінде топтасып жиналуға тыйым салынады;

- егер осы талаптарды орындамаған жағдайда 7 АЕК, 25 844 теңге мөлшерінде жауапқа тарту көзделеді, - деп ескертті А.Жүсіпов.

Сондай-ақ брифингке Алматы қаласы ПД жергілікті полиция қызметі басқармасының ерекше тапсырмалар жөніндегі аға инспекторы, полиция подполковнигі Рахымжан Спандияров қатысты. Ол мас күйінде шомылу орындарында ішу немесе пайда болу 5 АЕК, шамамен 18 460 теңге көлемінде айыппұл салуға әкеп соқтыратынын еске салды. Полиция департаменті өкілінің мәліметінше, Алматыда мереке күндері қауіпсіздікті қамтамасыз ету үшін 190 полиция қызметкері мен 30 бірлік арнайы техника жұмылдырылады.

ҚР ТЖМ Республикалық жедел-құтқару жасағының сүңгуір-құтқару бөлімшесінің басшысы Андрей Быбченко құтқарушылар жабдықталған орындарда шомылу кезінде қауіпсіздікті қамтамасыз етуге дайын екенін атап өтті. Құтқару құралдары дайын. Ойыққа ыңғайлы, таймайтын және оңай шешілетін аяқ киіммен жақындау керек. Тәуекелдерді азайту үшін құтқарушылар шұңқырға түсу үшін баспалдақтың сенімділігіне көз жеткізуге кеңес береді. 

Ескерту: Қысты күні суатқа шомылу үлкен төзімділікті қажет етеді. Мұздай суға тек шыныққан және денсаулығы мықты адамдар ғана түсе алады. Төтенше жағдай кезінде 112 нөміріне хабарласыңыз.

Алматы қаласы Дін істері басқармасының діни бірлестіктермен жұмыс жөніндегі бөлімінің басшысы Бақдәулет Әбдіхамитов Крещение кезінде суға түсу рәсімі діни көзқарастарына қарамастан барлық православтар үшін де, конфессиялардың басқа өкілдері үшін де жалпыға ортақ мерекеге айналғанын айтты.

Оқи отырыңыз: Қолайсыз ауа райы: жол жабылғанда тәртіпке бағынбаған жүргізушіге қандай жаза қолданылады