Меншікті өндіріс
Біз әлеуметтік желілердеміз
Бүгін қазақтың қос ғарышкерінің туған күні
Тоқтар Әубәкіров пен Айдын Айымбетов 27 шілдеде дүниеге келген
Бүгін, яғни 27 шілдеде қазақстандық екі ғарышкердің туған күні, деп хабарлайды Almaty.tv тілшісі ҚазАқпаратқа сілтеме жасап.
Совет Одағының Батыры, КСРО ұшқыш-ғарышкері, Қазақстанның ұшқыш-ғарышкері, Қазақстан Республикалық Халық қаһарманы Тоқтар Әубәкіров 74-ке толса, Қазақстанның ұшқыш-ғарышкері, Қазақстанның Халық қаһарманы Айдын Айымбетов 48 жасқа келіп отыр.
Ғарышкердің екеуі де бір күні – 27 шілдеде дүниеге келген. Екеуі де Армавир жоғары әскери авиация мектебін бітіріп, әскери ұшқыш, кейінірек ғарышкер атанды. Екеуі де ғарышқа 2-сі күні ұшты. Бірақ ай жағынан (қыркүйек пен қазан) айырмашылық бар. Екеуінің де экипаждарының командирлерінің тегі Волков еді. Әубәкіровтың командирі кеңес ғарышкері Александр Волков болса, Айымбетов ұшқан уақытта Александрдың – ресейлік ғарышкер Сергей Волков командир болған.