|
19.06.2019 | 14:55
3414

Шымкентте үйінің ауласында героин сатқан тұрғын ұсталды

Осы жерден электрондық таразы да табылды

Шымкентте үйінің ауласында героин сатқан тұрғын ұсталды otyrar.kz

Шымкентте полиция үйінің ауласында героин сатқан тұрғынды ұстады, деп хабарлайды қалалық ПД баспасөз қызметі.

Баспасөз қызметінің мәліметінше, есірткі сатушы қала маңындағы елдімекендердің бірінде қолға түскен. Есірткі саудагерінің ізіне түскен тәртіп сақшылары оның үйіндегі жасырын орындарды тінту кезінде мөлшері бойынша өлшеп, оралған және сатуға дайын жалпы салмағы 100 грамнан асатын героин тәркіледі.

Осы жерден электрондық таразы да табылды.

«Күдікті уақытша ұстау изоляторына қамалған. Аталған жайт ҚР ҚК-нің 297-бабы 3-бөлігі «Аса ірі мөлшердегі есірткі, психотроптық заттарды, сол тектестерді өткізу мақсатында заңсыз дайындау, қайта өңдеу, иемдену, сақтау, тасымалдау, жөнелту не өткізу»  бойынша сотқа дейінгі тергеп-тексеру амалдары жүргізілуде. Бұл бап бойынша күдіктінің мүлкi тәркiленiп, 10 жылдан 15 жылға дейiнгi мерзiмге бас бостандығынан айыруды көздейді», - делінген хабарламада.  


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир