iPhone, видеокарталар, автомобильдер тағы қымбаттауы мүмкін

Қытай мен Тайвань арасындағы қақтығысқа байланысты iPhone, видео-тіркемелер мен видеокарталар қымбаттайды, деп хабардайды Almaty.tv тілшісі Azattyq Ruhy-на сілтеме жасап.

Тайвань жартылай өткізгіш құралдарының негізгі әлемдік өндірушісі болып табылады. Әлемдегі микропроцессорлардың 65%-ын Taiwan Semiconductor Manufacturing Company (TSMC) шығарады.

Қытай мен Тайванның қақтығысы пандемия кезінен басталған техника саласындағы дағдарысты одан сайын күшейтуі мүмкін. TSMC-тің тікелей клиенттері – Apple, AMD, Intel, Nvidia, Qualcomm, Sony және басқалары процессорларды жеткізуді тоқтатудан бірінші болып зардап шегеді.

Чиптердің жетіспеушілігі TSMC клиенттерінің басқа санаттарына (автомобиль өнеркәсібі, медициналық сала, байланыс және т.б.) әсер етеді, бұл бүкіл әлемдік экономиканы құлдырататыны анық.

Қазірдің өзінде Taiwan Semiconductor Manufacturing Company өндіруші компаниясының акциясы 3 пайызға төмендеген.