|
Qoǵam
16.09.2019 | 19:15

Әнші Жанар Хамитова қайтыс болды

Жанар Хамитованың өнердегі әріптесі Әбу-Кай әншінің өлімі туралы қаралы хабарды растады

Әнші Жанар Хамитова қайтыс болды

Оның дүниеден өткенін таңертең әріптестері жеткізді. Олар туған-туыстарына әлеуметтік желіде қайғыра көңіл айтты, деп хабарлайды Almaty.tv тілшісі.

Кейін ақпаратты Қарағанды облыстық полиция департаменті де растады. Қазір тиісті сараптамалар тағайындалып, тергеу жүргізіліп жатыр. Әзірге марқұмның нақты неден қайтыс болғаны белгісіз.

Айта кетейік, Жанар Хамитова елімізге танымал Super Star KZ жобасына қатысқан. Кейін Нұржан Керменбаевпен «Арнау» тобында дуэт болып ән айтқан еді. Тек кейін отбасылық жағдайына байланысты өнермен біржолата қоштасты. Дегенмен, соңғы уақытта әншілікті қайта бастаған болатын.