Алматыда әйел құқығын қорғау «Гүл болсын» жобасы құрылды

Тұрмыстық зорлық-зомбылық құрбандарына енді әлеуметтік желі арқылы көмек көрсетілмек. Бұл мақсатта Алматыда әйел құқығын қорғау «Гүл болсын» жобасы құрылды. Психологтардың сөзінше, тағдыр тәлкегіне ұшыраған әйелдер құзырлы орындарға жүгіне бермейді. Сондықтан жоба құрамындағы заңгер мен психологтар әйелдерге әлеуметтік желі арқылы қолдау көрсетпек, деп хабарлайды Almaty.tv.

«Терапия деген құрал бар, соны қолданғаннан кейін әйел кішкене өзіне келе бастайды, не болғанын түсінеді. Мысалы, көп жағдайда әйелдер соққыға жығылады, оны ешкімге айта алмайды. Мұндай жағдайды қыз-келіншектер жылдап, айлап бастан өткереді», – деді психолог Жанна Айуп.