Алматы полициясы 38 мопедті айыппұл тұрағына қойды

Алматы полициясы 38 мопедті айыппұл тұрағына қойды, деп хабарлайды Almaty.tv тілшісі ПД баспасөз қызметіне сілтеме жасап.

Алматы полициясы көктем, жаз мезгілдерінде жалпы қаладағы жол-көлік оқиғаларының жағдайына әсер ететін жекелеген көлік түрлерінің қозғалысын қадағалауды күшейтеді. 

– Тәжірибеде мотоциклдер мен мопедтердің иелері тікелей ағынды қондырғыларды пайдаланатын деректер көптеп кездеседі, бұл әсіресе түнгі уақытта азаматтардың тыныштығына әсер етеді және олар рұқсат етілмеген жарыстарды, сондай-ақ маневр жасау және жылдамдықты шектеу ережелерін өрескел бұза отырып, ұйымдаспаған топтық қозғалыстарды ұйымдастырады. Бұл қала тұрғындары мен басқа да жол қозғалысына қатысушылардың орынды сыны мен шағымдарын тудырады. Осыған байланысты Алматы полициясы баламалы көлік түрлерін жүргізетін адамдардың құқық бұзушылықтарын анықтау жұмыстарын күшейтті. Жергілікті рейдтер жүргізіліп жатыр, – деді Алматы қалалық ПД жергілікті полиция қызметі басқармасы бастығының міндетін атқарушы Серік Шумаев. 

Рейд барысында патрульдік полиция полкі мен мамандандырылған батальонның жеке құрамы қала жолдарында 168 құқықбұзушылықты анықтап, 13 мас жүргізушіні ұстады.

Сонымен қатар, 68 мопед және 23 самокат жүргізушісіне әкімшілік шара қолданылды. 38 мопед айыппұл тұрағына қойылды. 

– Мотокөліктердің қатысуымен болатын жол-көлік оқиғаларының негізгі себептері – белгіленген жылдамдықты сақтамау, қарама-қарсы қозғалысқа шығу, көше қиылыстары және маневр жасау ережелерін бұзу және т.б. Өткен жылы мопедтердің қатысуымен 554 ЖКО тіркелді, 541 адам жарақат алып, 16 адам қаза тапты, – деді Шумаев.

Оқи отырыңыз: Ақмола облысында мал ұрлап жүрген екі азамат сотталды