Ақтауда жезөкшелер ордасы анықталып, 12 қыз-келіншек ұсталды

Ақтаудағы сауналардың бірінен жезөкшелер ордасы анықталып, бір топ қыз-келіншек ұсталды, деп хабарлайды Маңғыстау облыстық полиция департаментінің баспасөз қызметі.

Полицейлер жезөкшелер ордасын газеттегі астыртын жарнама арқылы анықтаған. Өздерін әдейі тұтынушы ретінде таныстырған.

«Шамамен түнгі 12-де ақылы түрде интим қызметін көрсететін 12 қыз-келіншек пен оларды тасымалдайтын 3 жүргізуші ұсталды. 12 әйелдің екеуі Өзбекстан азаматы, қалғаны жергілікті тұрғындар. Барлығы тіркеуге алынып, есепке қойылды», – дейді департаменттің баспасөз қызметі.

Заңсыз бизнесті ұйымдастырушыларға қатысты қылмыстық іс қозғалды.