«Қазавтожол» филиалының басшылары 500 млн теңге жымқырды деген күдікке ілінді

«Қазавтожол» ҰК» АҚ Маңғыстау облысындағы филиалының директоры мен орынбасарлары бірнеше рет пара алу, бюджет ақшасын жымқыру күдігіне ілінді, деп хабарлайды ҚР Мемлекеттік қызмет істері және сыбайлас жемқорлыққа қарсы іс-қимыл агенттігінің баспасөз қызметі.

«Олар Маңғыстау облысындағы автожолдардың құрылысы кезінде орындалған жұмыс туралы құжаттарға кедергісіз қол қойғаны үшін мердігер ұйымдардан жүйелі түрде 6 млн теңге пара алды деген күдікке ілініп отыр. Тергеу нұсқасына сай, аталған топ орындалған жұмыс туралы жалған құжаттарды толтыру арқылы 500 млн теңге көлеміндегі бюджет қаражатын жымқырған», - делінген хабарламада.

«Қазавтожол» ҰК» АҚ Маңғыстау облысындағы филиалының басшылары уақытша оқшаулағышқа қамалды. Тергеу амалдары жалғасуда. Күдіктілерге қатысты соңғы кесім сотта шығарылады.