Түркістан облысында жас жұбайлар той кортежінде трактормен жүріп өтті (ВИДЕО)

Түркістан облысында трактор жүргізушісі өзінің үйлену тойының кортежінде трактормен жүріп өтті, - деп хабарлайды Kaz.tengrinews.kz. Ордабасы ауданы Төрткүл аулының жастары Дархан мен Марал тойларын ерекше өткізуді ойлапты. Осы тұста кенет Дархан келіншегіне тосынсый жасамақ болады да, той кортежінде трактормен жүретін болып шешеді. Бұл идеяны жігіттің жары той болардан сәл ғана бұрын білген.

"Басында ескі көлікпен шығамын деген ойым бар еді. "Москвичтерді" іздестірдім, бірақ таппадым. Сөйтіп трактормен жүру туралы ойымды айтқанда басында елдер күлд. Бірақ кейіннен бәрі мені қолдап тракторларын сәндеп, ауылдың балалары алдымыздан шығып, мәре-сәре болып жатты", - дейді өз тойын ерекше үлгіде өткізген Дархан.