Депутат дүкен сөрелерінен вейпті алып тастауды ұсынды

«Нұр Отан» фракциясының мәжіліс депутаты Мәди Ахметов қазақстандық дүкендер сөресінен вейптерді алып, оларға зерттеу жүргізуді сұрайды, деп хабарлайды Almaty.tv тілшісі Orda.kz-ке сілтеме жасап.

Ол 3 қараша күні палатаның жалпы отырысы барысында премьер-министрдің орынбасары Ералы Тоғжановтың атына депутаттық сауал жолдады. Сондай-ақ осы өнімді елге әкелуге рұқсат берген кеденде кінәлілерді жазалау керек деп мәлімдеді.

«Заңсыз болып табылатын және ешқандай техникалық регламенттерге сәйкес келмейтін бір реттік вейптер әлі күнге дейін кеден арқылы ішкі нарыққа үнемі түсіп отыратыны қалай? Бұл процесс үшін тікелей жауапты құзыретті органдар қайда? Сізден жағдайды зерттеп, кінәлілерді жауапқа тартуды сұраймыз.

Біз бір рет қолданылатын вейптердің құрамын зерттеп, көпшілікке хабарлауға шақырамыз. Сондай-ақ құзыретті органнан жағдайды түсіндірмес бұрын бір рет қолданылатын вейпті дереу тәркілеуді сұраймыз. Мектептердің жанындағы дүкендерге қоғамдық бақылау ұйымдастырып, заң бұзушыларға қарсы қатаң шаралар қабылдау қажет», – деді Ахметов вице-премьерге.

Депутат ел пандемиямен күресіп жатқан кезде жасөспірімдер арасында бір рет қолданатын вейп эпидемиясы болғанын айтты. Сонымен қатар, егер темекіні көпшілік алдында сатуға ресми тыйым, жабық сөрелерде тұрады. Ал вейптер жастарды 2 мың теңгеден басталатын төмен бағамен тарта отырып, еркін сатылады. Олар әлеуметтік желілерде, мектептерде, Telegram арналарында және түрлі қоғамдық орындарда сатылады.