Алабай көшеде келе жатқан оқушыға тап берді (ВИДЕО)

Оқиға Ресейдің Красноярск өлкесінде болған

Красноярск өлкесінің Иланский қаласында алабай оқушыға тап берді. Оқиға көліктегі бейнекамераға жазылған, деп хабарлады life.ru.

Оқушыны алабайдан жергілікті тұрғындар аман алып қалыпты. Олардың айтуынша, бұл бірінші рет емес, ит бұған дейін де адамдарға бірнеше рет ауыз салған.

Куәгерлерінің бірі жазбада оқиғаның толық көрсетілмегенін айтты.

Тұрғындар алабайдың қожайынымен дауласыпты. Ол итінің адамдарға шабуылдайтынын мойындамаған.

«Қаннен-қаперсіз көшеде келе жатқан баланы қауып алған итті көріп, әлі есімді жия алмай отырмын. Күйеуім де шошып қалды», - дейді куәгерлердің бірі.

Баланың қаншалықты зардап шеккені белгісіз.