Наурызбай ауданында нашақорлықтың алдын алуға бағытталған семинар өтті

Наурызбай ауданында нашақорлықтың алдын алуға бағытталған семинар өтті. Жиынға ведомствоаралық штаб мүшелері мен  дағдарыс орталығының өкілдері қатысты. Тренингтің мақсаты мемлекеттік органдар мен қоғамдық ұйымдар арасындағы өзара іс-қимылды жақсарту, деп хабарлайды Almaty.tv тілшісі.

Айта кетейік, бүгінгі таңда қоғамда есірткіге тәуелділік – өзекті мәселелердің біріне айналған. Әсіресе, жасөспірімдер арасындағы синтетикалық есірткіге әуестік кең етек жайып тұр.

«Бүгінгі ұйымдастырылып жатқан шара нашақорлықтың алдын алу бойынша өткізіліп отыр. Біздің мақсат – бүгінгі күнде үкіметтік емес ұйымдармен бірігіп, аудандағы жастар арасында нашақорлықтың алдын-алу», – деді Наурызбай ауданы әкімінің орынбасары  Мирас Нысанәли.

«Жастар арасында қазіргі таңда нашақорлық мәселесі белең алуда. Әсіресе, соңғы кездері қолжетімді синтетикалық есірткілер жастар арасында үлкен қолданысқа ие. Бүгін әртүрлі секторлардан ата-аналар, білім беру, медицина өкілдері жиналып Наурызбай ауданының аумағында нашақорлыққа күрес серіктестігін құрғалы отырмыз», – деді «Қамқорлық» дағдарыс орталығының директоры Ұлжан Лұқпанова.