Нұр-Сұлтанда «Lexus» көлігі жедел жәрдемді соғып кетті (фото)

22.05.2019 20:45

Желіде Нұр-Сұлтан қаласындағы «Lexus» пен жедел жәрдем көлігі қатысқан жол апатының суреттері пайда болды. Кадрдан бүлінген транспорттарды, тас жолдың үстіндегі қанды байқауға болады, деп хабарлайды KAZ.NUR.KZ.

Жол апаты туралы ақпаратты Нұр-Сұлтан қаласының баспасөз қызметі растады.

Олардың айтуынша, 21 мамыр күні 15:15-те Маралды мен Керегетас көшелерінің қиылысында «Lexus GS300» жүргізушісі жедел жәрдем көлігімен соқтығысты.

Жүргізушілер мен фельдшер дене жарақатын алып, олардың ауруханаға жеткізілгені хабарланды.

Қазіргі уақытта полиция қызметкерлері тексеру жұмыстарын жүргізуде.


Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Алматының барлық ауданынан «Бақытты отбасы» орталықтары ашылмақ