Маңғыстауда мұнайшылар Мемлекет басшысына видеоүндеу жолдады

Маңғыстау облысының кен орнының бірінде мұнайшылар жұмыстан қысқарып жатыр. Олар Тоқаевқа жүгінді, деп хабарлайды Almaty.tv тілшісі Ulysmedia.kz-ке сілтеме жасап.

«TOTAL E&P Dunga» компаниясының Түпқараған ауданындағы жиырмаға тарта жұмысшысы видеоүндеу жариялады.

«TOTAL E&P Dunga» жұмысшылары компания басшылығы мердігер ұйымға ауыстырғалы жатқанын хабарлайды. Компания тікелей келісімшарттағы персоналды қысқартпақ. Тиісті хабарлама 10 адамға келген.

«Жұмыс орнымызда қалғымыз келеді. Жаңа жұмыс орнында бізді не күтіп тұрғанын кім білсін?! Жиналыс өткізіп, не үшін қысқарып жатқанымызды білгіміз келеді. Біздің жағдайда жұмысшылардың құқығы бұзылып тұр», - дейді олар.