26 жастағы әйел Арқалықтағы «қасапшылар түрмесінде» жазасын өтеп жатыр

Арқалықта аса қауіпті қылмыскерлер түрмесінде жазасын өтеп жатқан жалғыз әйел сот белгілеген мерзім аяқталғанша сол колонияда қалады. Бұл туралы қылмыстық-атқару комитетінің төрағасы, әділет полковнигі Дархан Қанатбеков айтты.

«Сотталған әйел тәртіпті өрескел бұзғаны үшін сот шешімімен ауыстырылды. Ол сот белгілеген мерзім аяқталғанша жазасын өтейді. Содан соң кейін қайтарылады. Бүгінде ол «Ерлер колониясында» жеке камерада отыр. Тағы да қайталап айтайын: бұл соттың шешімі», - деді Қанатбеков сейсенбі күні баспасөз мәслихатында.

Алайда оның сол жерде қанша уақыт болатынын нақты айтқан жоқ. Бұған дейін БАҚ-та хабарланғандай, әйел 8 жылға бас бостандығынан айрылған.

26 жастағы қазақстандық - Арқалық қаласында аса қауіпті қылмыскерлер жазасын өтейтін УК-161/12 түзету мекемесіне түскен бірінші әйел.

Ол бұрын Алматы облысындағы түзету мекемесінде отырған.

Арқалықтағы колония халық арасында «қасапшылар түрмесі» деген атпен белгілі. Онда қарақшылық, тонау, зорлау және басқа да ауыр қылмыс жасаған аса қауіпті қылмыскерлер ұзақ жыл жаза мерзімін өтейді. Отыз жыл бойы мұнда тек ер азаматтар ғана отырған.

Дереккөз: sputniknews.kz