|
07.02.2019 | 16:01
3189

«Астанадағы трагедиядан кейін»: Қазақстанда бала құқығын қорғайтын кеңес құрылды

Әшімбаев елордадағы қайғылы оқиға бәріне сабақ болуы керектігін атап өтті

«Астанадағы трагедиядан кейін»: Қазақстанда бала құқығын қорғайтын кеңес құрылды

«Нұр Отан» партиясының жанынан балалар құқығын қорғау жөніндегі республикалық кеңес құрылды, деп хабарлайды Sputnik Қазақстан.

«Нұр Отан» партиясы көп балалы отбасыларға жүйелі қолдау көрсетіп, өскелең ұрпақтың құқықтары мен заңдық мүдделерін қорғауды одан әрі жандандыруды қолға алмақ.

«Нұр Отан» партиясы төрағасының бірінші орынбасары Мәулен Әшімбаев кеңес құру туралы идея көптен бері айтылып жүргенін атап өтті.

«Өкінішке қарай, Астанада болған қайғылы оқиға кеңестің құрылуын жеделдетті. Бұл ауыр трагедия, бұдан бәріміз сабақ алуымыз керек. Болашақта мұндай трагедия қайталанбас үшін қолдан келгеннің бәрін жасауымыз қажет», - деді Әшімбаев кеңестің алғашқы отырысында.

Аталған кеңес әкімдіктермен және мемлекеттік органдармен тығыз жұмыс істейді.

Кеңестің басты мақсаты – көп балалы отбасыларға жүйелі қолдау көрсету және жұмыс істейтін көп балалы аналарға лайықты жағдай жасау туралы ұсыныстар мен шаралар даярлау, сондай-ақ балалар құқығын қорғау мәселелерін реттейтін заңнамаларды талдау.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир