|
Qoǵam
15.12.2019 | 16:12

Тәуелсіздік күні қарсаңында 42 әскери қызметші марапатталды

Оның ішінде қаза болған майор Аманжол Ақышев бар

Тәуелсіздік күні қарсаңында 42 әскери қызметші марапатталды mod.gov.kz

Еліміздің басты мерекесі – Қазақстан Республикасының Тәуелсіздік күні қарсаңында Қорғаныс министрлігінде салтанатты жиын өтті, деп хабарлайды Аlmaty.tv тілшісі.

28 жыл бұрын Қазақстан егеменді даму жолын бастады. Осы жылдар ішінде елде елеулі мемлекеттік өзгерістер болды. Елдің қарқынды дамуының маңызды факторы Қарулы Күштер болды. Бүгінде олар еліміздің егемендігі мен мемлекеттің аумақтық тұтастығын қорғауда.

«Тәуелсіздік күніне орай ҚР Президентінің Жарлығымен 42 әскери қызметші әскери борышын үлгілі атқарғаны, батылдығы мен қайсарлығы үшін мемлекеттік наградалар мен грамоталар табыс етілді. Осындай сандағы әскери қызметшілер алғаш рет марапатталды», - делінген ҚМ баспасөз қызметінде.

Марапатқа сондай-ақ Арыс қаласындағы төтенше жағдайлар салдарын жоюға қатысқандарда ұсынылды. Бір күнде де тоқтатылмаған жұмыстар барысында әскери қызметшілер жоғары кәсібилік танытты, іс жүзінде тәуекелмен ұштасқан әскери жағдайларда жұмыс істеді. Марапатталғандардың ішінде қаза болған майор Аманжол Ақышев бар.

Сонымен қатар, Қарулы Күштердің барлық әскери бөлімдері мен құрамаларында салтанатты іс-шаралар өтіп, үздік әскери қызметшілер марапатталды.





Bólisý

‡агрузка...

Прямой эфир
Жаңалықтарды қалт жібермеңіз!