Қазақстанда қанша этнос өкілдер тұрады

Қазақстан халқының бірлігі мерекесі қарсаңында Ұлттық статистика бюросы елімізде тұратын түрлі этнос өкілдерінің статистикасын ұсынды, деп хабарлайды Almaty.tv тілшісі Zakon.kz-ке сілтеме жасап.

"Бүгінгі таңда Қазақстан халқының саны 19 808 430 адамды құрайды. Оның ішінде 70,6% – қазақтар, орыс халқының үлесі – 15,1%, өзбектер – 3,2%, украиндар – 1,9%, ұйғырлар – 1,5%, немістер – 1,1%, татарлар – 1,1%, әзербайжандар – 0,7%, кәрістер – 0,6% және басқа этнос өкілдері", – делінген хабарламада.

Қазақтардың ең көп саны Түркістан облысында – 1,5 млн. Орыстардың жалпы санынан көпшілігі Алматы қаласында тұрады – 428 мың. Өзбектер Түркістан облысында көп – 378 мың адам, украиндар Қостанай облысында – 86 мың, 297 мың ұйғырдың басым бөлігі Алматы облысында тұрады: 120 мың адам.

"Біздің елімізде гагауздар, лезгиндер, құмықтар, аварлар сияқты этностардың да өкілі бар, Қазақстанда бір шаңырақ астында барлығы 124 этнос өкілі тұрады", – деп мәлімдеді Ұлттық статистика бюросы.