Азық-түлік бағасы арзандады

Қазақстанда күнбағыс майы, қант, тауық еті, сәбіз бен кортоп арзандап жатыр. Сауда министрі Серік Жұманғариннің айтуынша, алты аптадан бері баға төмендеп жатыр, деп хабарлайды Almaty.tv.

Министр елде тауар тапшылығы байқалмайтынын атап өтті. Қазақстанда 140 мың тонна азық-түліктің қоры бар.

«Қазір 113 мың тонна тауарды алдын ала дайындап қойдық. Бұдан бөлек, тағы қор бар. Сонымен қатар, Тәжікстаннан алдырамыз. Өзбекстаннан да импорт басталды. Бағасы сәл қымбаттау болады. Дегенмен, қазір азық-түлік тапшылығы туралы сөз қозғау орынсыз. Себебі, біз жоспарды уақытылы орындап жатырмыз», – деді ҚР Премьер-министрінің орынбасары – Сауда министрі Серік Жұманғарин.