Алматылықтардың алдағы өтетін референдумға көзқарасы қандай

Президентіміз Қасым-Жомарт Тоқаев 2024 жылдың 2 қыркүйегінде Қазақстан халқына жолдауын жариялаған болатын. Жолдау барысында Мемлекет басшысы атом электр станциясының құрылысы бойынша референдум өткізуді 6 қазанға белгіледі. Біз бірнеше ұйымның жарияланған мәлімдемелеріне тоқталдық. Айтылған мәлімдемелерді талдап көрейік, деп хабарлайды Almaty.tv.

Алматы металл құрылымдары зауытының еңбек ұжымы атом электр станциясының құрылысы қазақстандық өндірістік кәсіпорындарға пайда әкелетініне баса назар аударады. Атап айтқанда, зауыт жұмысшылары өндіріс қызметкерлеріне бірнеше жыл бұрын тапсырыс көлемін қамтамасыз ету үшін оператор атом электр станцияларын құрылыс сатысында да, оның жұмыс істеуі кезінде де қажетті құрылыс материалдарымен қамтамасыз етуі қажет екеніне назар аударуды. Бұл ретте АКҚЗ құрылысты өзінің металл өнімдерімен қамтамасыз етуге дайын екенін хабарлады.

Ал, Қазақстан офицерлер одағының мүшелерінің айтуынша АЭС еліміздің стратегиялық дамуына оң әсер етеді. Өйткені жаңа тәуелсіз энергия көзінің ашылуы энергетикалық қауіпсіздікті нығайтуға мүмкіндік береді. Олардың айтуынша, өндірістің оның ішінде қорғаныс өнеркәсібінің қажеттіліктерін қамтамасыз ету үшін сенімді энергия көзі қажет болады.

Алматы қаласының ардагерлер кеңесі кейінгі ұрпақтың денсаулығына алаңдаушылық білдіріп отыр. Біріншіден, электр энергиясының 70%-ы көмір өнеркәсібі есебінен өндірілетініне назар аударып, оның шығарындылары экологияға зиян келтіреді. Соның ішінде Алматыдағы экологиялық жағдайға деструктивті әсер етеді. Екіншіден, мамандар болашақта энергия тапшылығын болжауда. Сол үшін де тұрақты энергия көзі қажет екенін алға тартып отыр.

Алматы қаласының Азаматтық альянсы сарапшыларға сілтеме жасай отырып, атом электр станциясының қажет екенін алға тартуда. Себебі біз салмасақ оны  көрші елдер салады, ал Қазақстан олардан энергия көздерін сатып алуға мәжбүр болады.

Ауғанстандағы соғыс ардагерлерінің үйлестіру кеңесінің айтуынша қазір технология қарқынды дамып және атом электр станциясы экономикамыздың өркендеуі мен балаларымыздың болашағы үшін қажет болатынына назар аударады.

Осылайша, жұртшылықтың мұндай реакциясы атом электр станциясының Қазақстанның стратегиялық қажеттіліктерін қанағаттандыратын практикалық керектігі екенін көрсетеді. Еліміздің аумағында атом электр станциялары салынады ма, ол халықтың ерік-жігерінің көрінісі болатын жалпы республикалық референдумның нәтижесін көрсетеді.

Естеріңізге сала кетейік, 6 қазанда қазақстандықтардан: «Сіз Қазақстандағы атом электр станциясының құрылысына келісесіз бе?» деген сұрақ қойылады. Ал сіз өз кезегіңізде «ИЯ» немесе «ЖОҚ» деп жауап бере аласыз.