Алматыда ҚР Қарулы Күштерінің 30 жылдығына орай мерекелік іс-шара өтті

Бүгін Сағадат Нұрмағамбетов атындағы Құрлық әскерлерінің әскери институтында Отан қорғаушылар күні мен еліміздің Қарулы Күштерінің 30 жылдығына орай мерекелік іс-шара өтті, деп хабарлайды Almaty.tv тілшісі.

Салтанатты рәсімге Институт басшылығы мен ардагерлер қатысып, жеке құрамның сапқа тұруын тамашалады. Сондай-ақ Түрксіб ауданы әкімінің орынбасары Алматы өңірлік гарнизонының әскери қызметшілеріне алғыс хат табыстады.

«Азаматтық оқу орындарына қарағанда біздің оқу орында жігіттер, курсанттар – Отан қорғаушылар.  Бауыржан Момышұлы бабамыз «Офицер - әскердің миы» деп айтып кеткен. Біз тәжірибелі офицер дайындауымыз керек», – деді С. Нұрмағамбетов атындағы ҚӘӘИ Тәрбие және геология кафедрасының доценті Талғат Алпысбаев.