Директор Ринат Зайытовтың басты тілегі қандай
Директор қызметіне тағайындалған айтыскер Ринат Зайытов өзіне берілген бұл мүмкіндік бірінші кезекте сынақ екенін айтты, деп хабарлайды Almaty.tv. Бұл туралы айтыскер өзінің желідегі парақшасында жазды.
«Қадірлі ағайын! Бүгін Алатау дәстүрлі өнер театрына қызметке тағайындалдым. Жалған сөйлеп, ақталудан аулақпын. Дегенмен де қайда барып, не істесем де барлығы әуелі Жаратушы, сонан соң өмірлік тілекшім, сақтаушым, жанашырым да Халық болғандықтан, бір ауыз түсіндіріп өтейін. Адам бір нәрсеге қабілетті екенін көрсетпейінше, ешкімге ештеңені құр сөзбен дәлелдей алмайтыны айдан анық. Сондықтан маған берілген бұл мүмкіндік бірінші кезекте өзіме сынақ», – деп жазды айтыскер.
Сонымен қатар ол оқырмандарына сауал тастап, өмірдегі ең үлкен тілегі жайында да айтып өтті.
«Үш жүзге сөйлеп жүрген ақындарыңыз екі жүз адамды жұмылдырып жұмыс істете алмаса, оның пайдасы не? Осы сөзбен келісетін шығарсыздар? Өмірдегі ең үлкен тілегім өз елімнің бір бұрышында қазақ өнеріне адал қызмет ету ғана. Оны талай жерде айтып та жүрдім. Міне, сол тілегімнің алғашқы күні бүгін өтті. Құттықтау артық. Сәттілік тілесеңіздер, алғысым шексіз. Алматы қаласының мәдениет басқармасының басшылығына сенім білдіргеніне көп рахмет. Әзірге осылай…», – деді Ринат Зайытов.
Жазылу
Новости партнеров
Көп оқылған
